29‏/10‏/2017

للأطفال، لعبة التطابق الأرقام والأعداد

هالنشاط منيح للاطفال ت يختبرو معرفتهم للأرقام والأعداد

طبعا وسيلة التعلم إلها تأثيرعلى مدى استيعاب الطفل للشي وكل م لقاه فيه تسلية ومرح كل ما حب هالشي اكتر.

الأدوات:
- عيدان خشب او ملاعق بلاستيك او ايا شي بتلاقوه مناسب
- اقلام ملونة

الطريقة:
بتكتبو الارقام من 1 الى 10 على العيدان متل بالصورة
وبترسمو اشكال مختلفة يتوازو مع الاعداد، يعني مثلا عنا عود رقم 6 منرسم على عود تاني 6 قلوب.. الخ 

بس نخلص منخلطن ببعض ومنطلب من الطفل يقسمهم قسمين قسم للأرقام وقسم للأشكال.

وقت يخلص تقسيم منطلب منو ينسق كل رقم مع العدد الصحيح :)



28‏/10‏/2017

تمارين لتقوية عضلة العين والمحافظة على نظر سليم

بهالأيام صار في استخدام كتير للشاشات، وهالشي بيخلي العين تضعف اكتر، هيدي التمارين مخصصة لتقوية عضلات العيون..

التمارين ما بتحسن نظرنا، بس بتساعدنا نحافظ على صحة عيونا ت م نفقد نظرنا,,

طبعا لازم نعمل فحص نظر عند دكتور مختص، ونتأكد من سلامة عيوننا، لنكون واضحين هالتمارين مش ح تساعد اللي عندهم قصر نظر أو بيرمشو كتير، او عندهم تشنج بالعيون، أو شلل بالعضلة لان هالحالات بتطلب معالجة من قبل دكتور مختص..

بالنسبة للأشخاص اللي عندهم مشكلة بالقرنية ومسووين عملية بعيونهم او اللي عندهم اعتام بالعدسة الافضل تجنب هالتمارين.

أول شي ح نبلش بكيفية التحضير لهالتمارين:
عشان نحصل على نتيجة منيحة لازم اول شي نتأكد من اضاءة المطرح اللي نحنا فيه، 
ما نعتبر هالتمارين وكأنهم وظيفة مجبورين فيها بالعكس نعمل التمارين ونحنا مبسوطين واتذكرو تضلو مبتسمين خلال التمرين،
لان الابتسامة والتعبير الايجابي بينعكس على عيوننا كمان.

وقبل م نبلش مناخد نفس عميق منطلعو منبتسم ومنبتدي



تاني شي التمارين:

1- فوق و تحت: منتطلع لفوق ومنركز بالشي الموجود منرجع منتطلع لتحت وكمان منركز بشي موجود تحت، منكرر 5 مرات منرجع منريح عيونا شوي ومنتطلع لقدامنا عادي ومنكرر العملية 3 مرات.

2- شمال ويمين: كمان نفس الشي منتطلع لجهة اليمين للاخر ومنركز بشي معين منرجع للشمال منكرر 5 مرات، منرجع منريح نظرنا ومنكرر العملية 3 مرات.

3- خط مائل:اول شي منركز نظرنا قدامنا منرجع منحرك البؤبؤ لجهة الشمال ومنتطلع للزاوية التحتانية وبعده خط مائل لزاوية اليمين ومنتطلع يمين ومنرجع لقدام وهكذا، منكررا 5 مرات ومنريح نظرنا ومنعيد العملي 3 مرات.

4- خط متعرج: منتطلع قدامنا ومنركز ومنبلش نحرك عيونا بشكل متعرج فوق وتحت فوق وتحت ومنكرر نفس الشي.



5 و 6- رقم 8 بالانجليزي: هيدا التمرين منيح لترييح العين وتحسين الرؤية،
اتخيلو هالحرف قدامكن بطول الحيط او أكبر وبلشو بعيونكم ارسموه شوي شوي بالشكلين العامودي والافقي.كرروه مرتين وارجعو عيدو بالاتجاه العكسي.


7- دائرة: اتذكروا دايما ضلو مبتسمين :)
جلسو قعدتكم واسترخوا، شوي شوي اتطلعو ناحية الشمال وبالهدا ارسمو دائرة بعيونكم باتجاه عقارب الساعة،كررو 5 مرات وريحو وارجعو كررو العملية بس هالمرة بعكس عقارب الساعة. كررو التمرينين 3 مرات.

8- دوامة: كمان اقعدو جالسين واسترخو خدو نفس والابتسامة طبعا، وحركو عيونكم بشكل دائرة متكرر متل الشكل بالصورة.



9 و10- شكل الراصور او السبرينغ: اقعدو جالسين استرخو وابتسمو ونفس الشي حركو عيونكم متل الشكل كررو 5 مرات ريحو نظركم وكررو العملية 3 مرات.

ثالث شي التركيز على شي قريب وعلى شي بعيد:

1- اقعدو على كرسي او حتى اوقفو حد الحيط، لازم يكون في غرض قريب منكم شي 30 سنتيمتر.(لوحة، تلفون، ورقة، قلم الخ...)

2- ركزو نظركم بالغرض القريب واتطلعو بكل تفاصيلو.

3- وهلء ركزو نظركم على شي بعيد عنكم وكمان اتطلعو بالتفاصيل.

4- ارجعو بنظركم للغرض القريب..

5- كررو هالشي 5 مرات ارجعو ريحو نظركم وكررو 5 مرات.

رابع شي انهاء التمارين بعملية استرخاء:

افركو ايديكم ببعض عشان يصيرو دافيين، غمضوا عيونكم وحطو ايديكم بالهدا عليهم اتنفسوا بعمق واسترخو لدقيقة او دقيقتين.

وخلص بتمنالكم نظر سليم وصحة وعافية :)




#تمارين #عيون #صحة  #مساج #فحص-نظر #العيون




24‏/10‏/2017

أفكار ل اللي زوجها في سفر عنها.. هدايا مفاجآت رسايل الخ الخ....




السلام عليكم ورحمة الله وبركاته

 تفرض علينا الظروف أحيانا أن نتواجد في بلد ونصفنا الاخر في بلد اّخر، فتصبح بعض المناسبات مهملة بين الزوحين
هنا بعض الأفكار التي قد تساعد في تخطي مرحلة البعد والمسافة :)



1- إذا تواجد احد من معارفك او معارفه في البلد الموجود فيه اسأليهم وضع هدية كمفاجأة امام منزله.
(انا ساعدتني زوجة اخ زوجي لوضع هدية عيد ميلاد امام غرفتو)

2- ابحثي في الانستقرام عن حسابات هدايا وابعثي له هدية من دون مناسبة.

3- حضري رسايل للمستقبل لنقول مثلا لمدة سنة

اكتبي على الظرف افتحه بتاريخ كذا كذا 
افتحه في عيد ميلادك ، يمكن وضع صندوق صغير بحال اردتي وضع هدية اضافة الى رسالة
افتحه عندما تشعر انك تفتقدني
افتحه في  راس السنة 
افتحه عند قدوم شهر رمضان

الخ الخ محتوى هالرسايل ح يكون صور او رسالة معينة بتهديها الو وابدعي بالافكار.
ووقت يجي زيارة لعندك سلميه هالرسايل.

أنا عملت العناوين الخارجية بالانجليزي ما بعرف حسيت اسهل الي بس المحتوى بالعربي...
وهي نموذج من اللي عملتن



4- اكتبي كلمة احبك على ورقة وضعيها في جيب احدى ثيابه، ليجدها عندما يصل لمكان سفره.

5- ضعي قطعة من ملابسك وعطريها بعطرك الخاص وضعيها في حقيبته.

6- إذا كان بمقدورك ان تسافري كزيارة للبلد المتواجد فيه فاحجزي وفاجئيه.
(أمنية حياتي لو بلدو بيسمحلي بهالشي :( )

إذا افادكم موضوعي بتمنى تدعولي الله يجمعني بزوجي ويسهل تأشيرتي





23‏/10‏/2017

صراع النفس والانفتاح .... قولو لا للانحطاط الأخلاقي


أصبحنا في عصر الحفاظ فيه على قيمنا وعلى ديننا أمر صعب حقا!! لا بد أولا أن نكون شاكرين لما توصلت إليه التكنولوجا وما وصلنا اليه من وسائل تواصل سهلت الكثير علينا..

ولكن للأسف أغلب الاستخدامات لهذه الوسائل هو استخدام باطل ويعكس مدى انحطاط أخلاقنا وضيق تفكيرنا

إذا قمنا بفتح الإنستقرام، فإن أغلب الصور والمواضيع ستكون صور مخلة صور بعيدة كل البعد عن ديننا وبغض النظر عن الدين فأين الأخلاق والكرامة!!! 
 ما أتفه م وصلنا إليه من استخدام لهذه البرامج، هل حياتنا فعلا أصبحت فقط متعلقة بكم هذه أو تلك جميلة؟ أم بكم مؤخرة او صدر هذه الفتاة كبيرة! حتى اصبحت الفتيات يتغزلن بالرجال وبكل وقاحة!!! أين مبادئنا وأين العفة والخجل... 
حتى معظم الشباب أصبح جل تفكيره أن يأخذ صورة تظهر جسده الرياضي العاري..والعقل الفارغ!!!

حتى أننا اصبحنا نمر مرور الكرام على المواضيع وأصبح من ينتقد ويرفض الانحطاط تفور عليه فورة غاضبة واصفة اياه بالرجعي والمتخلف!!!!


وهل مفهوم الحضارة والانفتاح هو أن نخلع ثوب الكرامة! 


واذا م اتجهنا نحو الفايس بوك، ما أكثر صفحات الثورة الموجهة للمرأة 
أنا لست ضد مشاركة المرأة بالمجتمع وحصولها على حقوقها ولكن!!!!!!!!!!!!!!

هل ما تمثله هذه الصفحات هو فعلا مرتبط بحريتها وحقوها!! 
ما هي إلا صفحات تدعو المرأة للتعري والقبح الأخلاقي هي صفحات لا تلامس عقل المرأة الواعي بل صفحات تحولها لرمز حقيقي للجنس والعرض...


تدمير المرأة يدمر المجتمع بأكمله لأنها هي من تنجب وتربي أجيالا كاملة، فلنكن أكثر وعيا بما ينشر ولنخاطب عقلنا 
هل ما يجري من عرض لأجسامنا وطرائف جنسية الخ الخ هو حقا انعكاس حضاري!!!


التوسع في هذه المواضيع لا ينتهي ولكن خلاصة قولي، كفى نشرا للفساد الأخلاقي ولنرتقي أكثر بحياتنا...

LinkWithin

Related Posts Plugin for WordPress, Blogger...