19‏/11‏/2012

Asparagus with pepper filled with potato

Ingredients:
- Asparagus (I used Canned)
- Onion
- green pepper
- yellow corn
- Garlic
- Mozzarella cheese (or any kind you prefer)
- Potato
- Unsalted nuts
- Maggi cube
 - Salt & different spices

المكونات:
- هليون (يفضل الأخضر) أنا جبت معلب
- بصل
- فليفلة خضرا
- ذرة
- ثوم
- جبنة موزيرلا او أي نوع جبنة بيتذوب
- بطاطا
- علبة مكسرات غير مملحة (كاجو، لوز، زبيب)
- مكعب ماجي
- بهارات
- ملح

بالصورة كنت حاطة حبة بندورة بس ما استعملتا فاعملتلا اخفاء



الطريقة:
Direction:
first put the potato and boil it until it is poached

اول شي اسلقو حبة البطاطا

إذا جبتو الهليون معلب، فجيبو صحن وصفوه بالصحن متل بالصورة. أما إذا أخضر فغسلوه اسلقوه نصف سلقة..
then put the aspargus in a good way on a plate as shown on the picture.



ارجعو، افرمو البصل لمربعات صغيرة والثوم لحصوص واقلوه بالمقلى مع فليفلة.. والذرة وبس يذبلو ضيفو المكعب الماجي والبهارات... اخلطو معهن شوية لوز وكاجو

ارجعو صبوهن فوق الهليون

Now, chop onions  & pepper into small cubes, then bring a pan add little quantity of oil. Then put onions, pepper & garlic and mix until it becomes tender, add maggi cube salt and spices. Keep the pan for a minute on fire then remove. put the mixture above asparagus on the plate.






هلـــء جيبو حبة فلبفلة شيلو البذور منها، اهرسوا البطاطا واحشوا الفليفلة
Now bring a big green pepper take out the seeds, then mash potato and fill the pepper with them, garnish with mint.





now put cheese above the asparagus mixture ad enter it the microwave until cheese melts.


حطوا الجبنة على وجه الهليون ودخلوا الصحن بالمايكروويف (ما ذابت معي الجبنة منيح لان كانت متلجة )

وهيك






طبعا بتقدروا تعملوا حدا شوربا ورز ...
you can make Soup to be eaten with it you may also add cooked rice.

06‏/08‏/2012

حلى التفاح مع الشوفان



اممم ما بعرف شو سميها ،، إذا حدا ع بالو شي اسم يخبرني وبسميها


المقادير:

- تفاح حلو
- جوز
- زبيب
- لوز إذا بدكن
- شوفان حب طبيعي
- فستق حلبي مطحون للزينة


القشطة:

- ليتر مياه
- 200 جرام حليب بودرة
- 140 جرام طحين أو نشا
- 200 جرام سكر
- 2 بيض





غسلوا التفاح منيح، وجيبوا منقرة الكوسى وفرغوا التفاح وقصوا من الكعب عشان تثبت التفاحة....

ذوبو شوية زبدة ورشوها ع التفاح ودخلوهن الفرن


بمقلى ع جنب، حمصوا الشوفان ارجعوا ضيفوا الو زبيب وجوز حتى يستووا وإذا بدكن ضيفولهن سكر او قطر او حتى عسل


بس تلاقوا التفاح استووا، طلعوهن من الفرن واحشوهن بالحشوة....



وهلـء حضروا القشطة

اول شي حطوا المياه والحليب والسكر وحركوهن حتى يغلوا، ارجعوا ضيفوا باقي المقادير تدريجيًا مع التحريك بسرعة

ضلوا اخفقوا فيهن لتحسوا صار عندكن قشطة




وهلـء اسكبوهن فوق التفاح وزينوهن بالفستق والشوكولا...




أنا القشطة عملت نصف الكمية وما كفت الصينية فغطيت وج تاني بالكريما لان كانت جاهزة عنا...



وعاآآآآفية

03‏/08‏/2012

كرات الموز بالشوكولا




المكونات:

- موز طبعا :P

- بسكويت

- حليب نستله المكثف

- شوكولا أبيض وأسود

- سكر ملون للتزيين







أول شي بتكسرو البسكويت، وبتهرسو الموزة وبتضيفو النستله وبتخلطوهن..

تاني شي، إذا لقيتو انو ما عم تئدرو تعملوهن كرات ضيفلهن بسكويت بعد


وهكذا

صفوهن ع صينية

وذوبوا الشوكولا الأبيض واسكبوهن عليهن

ارجعو انطرو تيجمدوا شوي

ودوبوا الشكولا الأسود، وصبوهن فوقن

ورشواا السكر الملون عليهن

حطوهن بالبراد عشان يبردو

وبعدين قدموهن


وبسسس








30‏/07‏/2012

سكراب الورد للجسم




سكراب للجسم مع الورد...


الأشيا اللي منحتاجها هي:

- ورد
- زيت لوز مر
- زيت جوز الهند
- سكر اسمر
- مرطبان




اول شي منحط زيت جوز الهند، منرجع فوقو اوراق الورد، منرجع السكر واخر شي زيت اللوز...


وصار جاهز عنا للاستعمال فينا نحتفظ فيه بالتواليت وكل ما بدنا منشيل منو بس ننتبه ما يجي عليه مي..


الورد بينقي البشرة وبيعطي ريحة راائعة للجسم...





وتررررا حتي بينفع انكن تقدموه هدية شكلو حلو : )

أرضي شوكي، ولبن التمر

مبارح حبيت سوي ع الافطار أرضي شوكي، مع انو كان ع بالي فطر...

سو سويتا بس الصوص طلعت تقيلة وخففتا بمي

فانتبهوا لهالنقطة، بس لاني كنت صايمة ما عرفت إلا بعد الفطار ههه
 
المكونات:
 

- أرضي شوكي

- بطاطا

- بصل

- فليفلة

- ثوم

- برش قشرة نصف ليمونة (إختياري)

- بندورة صغيرة

- ذرة

- بهارات ع زوئكن

- مكعب ماجي ع خضرا (إختياري)

- كيري (اختياري)

- لحمة مفرومة ع الخشنة



قطعوا البصل والفليفلة والبندورة والبطاطا، والثوم شرائح صغيرة

ابرشو نصف ليمونة للنكهة

بمقلى، بلشوا بالبصل ثم الثوم وبرش الليمون، تيدبلوا شوي.
ارجعوا ضيفوا البطاطا والفليفلة واتركوهن تيدبلوا شوي

ارجعوا البندورة والذرة ....

بمقلى تاني اقلوا اللحمة مع شوية ملح وحر وبهارات.. بس تستوي ضيفوا مكعب الماجي وجبنة الكيري..


قلبوهن شوي وضيفوهن فوق الخضار... وقلبوهن مع بعض

لتلاقوهن استووا واخدووا النكهة....




جيبوا الارضي شوكي وصينية امسحوها بشوية زبدة وصفوا الارضي شوكي فيها

وحطوها بالفرن شي 10 دقايق


بهالوقت حضروا الصوص:

- رب البندورة (صلصة)
- ثوم (مهرووس ناااعم)
- مياه
- كزبرة يابسة
- ملح وَوَ حر (فلفل)


بمقلى حطوا شوي زيت اقلوا الثوم ارجعوا ذوبوا الصلصة بمياه دافيه وحطوها فوق الثوم بالمقلى، من بعدها

رشووا حر وملح وكزبرة يابسة وخلووهن يتقلبوا ع النار شي 5 دقايق واطفواا..





جيبوا صينية الأرضي شوكي

حطوا الحشوة فيها وارجعوا دخلوها الفرن لمدة 5 دقايق...
حطوا ع وج كل واحدة ارضي شوكة شوية صوص مع رشة نعنع او حبق

وقدمووها

(فيكن تحطووا ع الوج جبنة موزيرلا)


-------------------

هلـء اللبن

أنا فضلت قدم معها شي بارد بدل ما سووي شوربا


المكونات:

- لـبن

- تمر

- خيار

- ذرة




قطعوا الخيارة لمكعبات زغيرة، والتمر يا اما اقسموها 3 اقسام او اكتر حسب حجمها


والذرة


ارجعوا اسكبوا اللبن فوقهم

واخلطوهم


وقدموهن مع رشة نعنع او اي شي ع زوئكن






وعــــــــــــــــآآآآآآفية يااا رب : )

24‏/05‏/2012

ماسك للجسم مضاد للسيلوليت

السيلوليت هي كمية من الدهون مخزنة تحت الجلد، وعادة السيلوليت بيظهر بسبب عدم كفاءة الدورة الدموية اي عدم ممارستنا للرياضة واحراق جسمن للدهون  وللسموم اللي بجسمنا..



التحضير لماسك للجسم أيًا كان نوعو:

- شموع
- موسيقى هادئة
- فوط قديمة (مناشف)
- غطاء بلاستيكي (نايلون)
- مياه للشرب

قومي بإشعال الشموع، ووضع موسيقى هادئة ثم ضعي الفوط القديمة على الأرض او في المكان الذي ستستلقين عليه... اشربي كوبين كبار من المياه.. وابقي مياه للشرب بقربك لتشربي خلال فترة الماسك...

ماسك السيلوليت:

- 2  زنجبيل
-15 حبة  فريز (فراولة)
- 4 ملاعق كبار صلصال (طين)
 


ضعي المكونات في الخلاط، حتى يصبح لديكي عجينة للإستعمال...إذا كانت العجينة رخوة اضيفي المزيد من الصلصال.

افردي المزيج على المناطق المصابة بالسيلوليت.. ولفيها بالغطاء البلاستيكي.. واستلقي لمدة 20 دقيقة ولا تنسي شرب مياه...

بعد مرور 20 دقيقة يغسل الجسم بمياه دافئة ومن ثم مياه باردة...



غسول مطري للشعر بأعشاب طبيعية \ في المنزل

هذا الغسول يحتوي على أعشاب تضفي على الشعر بريقًا ولونًا طبيعيًا،

الأعشاب:

للشعر العادي، عشبة البابونج

 



للشعر الاحمر او الكستنائي، عشبة القطيفة (marigold)


للشعر الداكن، عشبة اكليل الجبل


للشعر الجاف، عشبة الخطي او البابونج الذهبي (اقحوان)


للشعر الدهني، النعناع أو اللافندر


الطريقة:

- ملعقتان كبار من الاعشاب الجافة المختارة، او 6 ملاعق كبار من الاعشاب الطازجة لنصف ليتر من المياه المغلية.

-  ننقع الاعشاب في المياه المغلية وتترك لمدة 15 دقيقةن ثم نقوم بتصفيتها.

- يغسل الشعر بالشامبو، وبعده يتم غسله بالغسول العشبي...



22‏/04‏/2012

الحل لمشكلة التعرق تحت الإبط


تقريبًا 90% من الناس بيعانوا من مشكلة التعرق تحت الإبط...
إجت الصيفية واجا قرف التعرق معها 0
المهم، انا مشكلتي اني بعرق من تحت باطي وبيصير شكل الكنزة يعععع 0
انو فعلا منظر مش حلو
بالصدفة عم بحكي ئدام واحدة معي بالشغل، عم قول انو شو بدي اعمل لهالشي وكنت عم قول بدي صير البس كنزات بتجي واسعة من تحت الابط..
قالتلي هي اعملي ابر بوتوكس وانا مجرتا، وهي بتشل العضلة تحت الابط وبيوقف التعرق لمدة 4 أشهر بتكلف بسوريا 100$ تحت كل ابط، يعني 200$...
( إذا حدا مجرب ابر البوتوكس يخبرنا)
انا فكرت بالموضوع وحطيت ببالي سويها
مرء(بعد) يومين، اجت هي لعندي قالتلي إذا مش قادرة تروحي ع سوريا (خاصة اهلي ما بيوافقوا بسبب الاوضاع الحالية)
-- (إذا عم تتسائلوا ليش بسوريا مش بلبنان، السبب هو انو السعر ارخص بسوريا وهي زميلتي أصلا من سوريا)
في حل تاني
قلتلا شوو هو؟؟!!
اعطتني عبوة الدوا عشان جيب منو
وفعلا جبت منو....
وهيدي صورتو
ETiaxil , peaux Sensibles
سعرو بلبنان - 16$ ما بعرف ئديش سعرو عندكم...
أول تجربة
اللي صار معي،
اول شي الكتابة عليه بالفرنسي وانا ما شاء الله عني ما بفهم شي بالفرنسي,,,
فاستعملتو الصبح اول ما وعيت لروح ع الدوام
بالدوام تعرقت وبقيت المشكلة اللي بدي اتخلص منها
انا هون سكر راسي 0
قمت حملت العبوة واتزكرت اني لازم ترجم 0
المهم اللي مكتوب ع العبوة، انو بيستعمل مرتين بالاسبوع
وبيندهن ع نظافة وبالليل قبل النوم مباشرة 0
ارجعت اتبعت التعليمات المزبوطة، تاني يوم لقيت النتيجة الراائعة 0
قلت العما شو اني غبية 0
وقت شوبت كتير اللي صار انو ظهر نقطة زغيورة بعكس ما كان يصير معي قبل
وفعلا بعدني مستمرة عليه
------------
أنا برأيي اللي ما بيهمها تستعملوا بالايام العادية تحتفظ فيه للمناسبات 0 لان عنجد مفعولو عجبني كتير
فتشت اذا الو اشيا سلبية ما لقيت، اذا حدا بيعرف عنو شي او بيعرف طريقة تانية يا ريت تخبرونا.. : )

10‏/04‏/2012

اخسر 9 كيلو في اقل من شهر، ريجيم مضمون ومجرب

هذا الريجيم يستخدم مرة واحدة كل 7 - 9 أشهر كي لا يؤثر سلبًا على الجسـم.


الريجيم مأخوذ من الإمام الصادق.. وقد قام بتجربته العديد من الأشخاص وخسرو 9 كيلو من وزنهم

وصديقي هو احد الاشخاص الذين جربوه واستفادو عليه.


يتم تقسيم الرجيم على  12 يوم





أول 3 أيام يتم تناول اللبن (الزبادي) فقط من دون خبز، أي عند كل شعور بالجوع تناولوا الزبادي بالملعقة او شرب ولا شيء آخر معه.. يمكن شرب مياه




ثاني 3 أيام يتم تناول التفاح فقط



ثالث 3 أيام يتم تناول اللحم الأحمر ( مشـوي او مسلوق)




رابع 3 أيام، يتم تناول اللحم الأبيض (سمك ودجاج) مشوي او مسلوق من دون اي شيء اخر معه


وبعد إتمام هذا الريجيم يتم تنظيم الطعام...



LinkWithin

Related Posts Plugin for WordPress, Blogger...