10‏/08‏/2011

شموع بقشر الليمون



منشوف الطريقة ســوا


اول شي نحنا منحتاج لــ






- شــمع ,, انا استخدمت 3 شمعات , يعني حسب انتوئديش بدكم
- ماء ورد ( إختياري )
- جليسيرين (إختياري)
- زيت عطري ( إختياري)
- ليمونة


* اللي بالفنجان الزغير هني قشر ليمون وبرتقال كنت من فترة ميبستهم عشان سويهم ع شكل بودرة





قصو كعب الليمون عشان يكونو جالسين


شوفو إذا بتقصو الليمونة بشكل غير ,, يعني متل شكل Zig zag بتعطي شكل أجمل


بس انا وقتا ما كنت عم فكراني سوي فيها شمع وقت عصرتا قلت بخليهم وبسويهم شمع





هلــء عشان تدوبو الشمع , جيبو ركوة قديمة واخرطو الشمع فيها واحتفظو بالخيط تبعهم







اربطو الخيط بقلم عشان تثبتوه فوق الليمونة



فيكم تدوبو الشمع مباشرة بالركوة ع السخانة

او بوعاء مياه عم يغلي

انا دوبتهم ع السخانة , ولما دابو وهني فوق السخانة , رشيت فيهم شوي من القشر و شوي ماء ورد وزيت عطري و شوي زغيرةجلسيرين.< طبعا هالاشيا قلت اختيارية

* لما يدوبو ح تلاحظو انو لونهم أبيض شفاف متل المياه

بس تخلصو اسكبوهم دغري بالليمون




واتركوهم شوي يجمدو ارجعو حطوهم شي 5 دقايق بالفريزر


وشيلوهم واستخدموهن

وهيدي النتيجة النهائية








عرايس الكفته



المهم منبلش بالمقادير ...



- كفته ( انا جبتها جاهزة طبعا اللحام هو بيسوي الخلطة تبعها )
- رب البندورة
- ثوم
- زعتر يابس
- حبة البركة
- بهارات
- فستق بتطحنوه نااعم
- واللي بالمرطبان التاني هو حر مع زيت
- خبز عربي او افرنجي او توست ( اللي متوفر عندكن )





الطريقة :

منجيب مقلى منحط زيت حر مع شوية زيت قلي , ( إذا ما عندكم زيت حر عادي بتستخدمو الحر العادي) منقلي الثوم


منضيف الزعتر وحبة البركة


منرجع منزيد الفستق طبعا بتخلوا الفستق ينعم أكتر من اللي انا مسويته




منزيد البهارات ورب البندوورة وشوية مياااه





منتركن شوي يتئلبواا ومنطفي النار


منجيب الخبز
مندهنو بخلطة الحر اللي سويناها




فيكن تطبقوا هيك ع بعضوا او تغطوا بالشقفة التانية ( يعني هيك )



بالرغيف التاني بتدهنوا الكفتة







فيكم كمان تدهنوا خلطة الحر وفوقها تحطوا الكفتة او كل شي لحالوا

وفيكم تسوا سندويشات وتحطوهم بالساب

يعني متل ما بدكم : )










بيطلعوا حرين كتير انتبهوا ها بس طعمتهن بتجنن

يخنة البندورة مع اللحم


منبلش بالمقادير:

- بصلة
- ثوم
- بندورة
- مكعب ماجي
- حبة البركة
- زعتر يابس
- بهارات وملح
- لحمة خشنة






أول شي منحط شوية زبدة مع زيت ومنحط البصل والثوم منتركن لحتى يستوو شووي ,,




منرش فوقن الزعتر مع حبة البركة ومنئلبن مع بعض




منضيف اللحمة , ومكعب المااجي



منضـيف ملعقة رب الـبندورة, ومنئلبن لحتى يستوو اللحمة




منضيف البهارات إذا بتحبوا نكهة الحر ضيفوا حر او زيت حر , منخرط البندورة ومنضيفن عليهن





ومنغطيهن حتى يستوو


وهياهن





فيكن تعملوا معهن رز أطيب

مناكير Ying Yang



شو كيف كانت مادة الـ T306 معكن ان شاء الله مشي حالها


تيب بالنسبة لـ اللي ما اخدين المادة ,,,, عادي عادي خليكم عم نتحدث
















لا مـــش مغلطة بالعنوان ههه الموضوع بيتعلق بـ Ying و Yang ,, هالنظرية اللي بتقول

جوا كل اسود في أبيض وجوا كل أبيض في أسود , يعني الخير فيو شوية شر والشــر فيو شوية خير


..> مختصــر مفيد مش ح اعطيكم درس


تيب تيب نفوت بالموضوع


من زمان حابة اطرحو من وقت اخدت هالنظرية

مناكير Ying و Yang


-----------------

ما تضحكو على ظفري هدفي بس فرجيكم الطريقة

طبعا اول واحد مش ضفري ضفر واحدة معي بالشغل

اول شي ارسمو شغل S او دمعة




لونو جهة بالاسود




والتانية بالابيض




ارجعو حطو نقطة سودا بالابيض ونقطة بيضا بالاسود










وهيدي صور من الانترنت فتشت عليهن ولقيتن











LinkWithin

Related Posts Plugin for WordPress, Blogger...