20‏/05‏/2011

نسكافيه سكراب للشفاه والجسم

قشري شفاهك وجسمك بمواد طبيعية

حبيت غير شوي عن السكراب اللي بستعملو




المقادير :
- ظرف نـسكافيه
- ظرف كاباتشينو
- كوب سكر
- ملعقة كبيرة فازلين ( الافضل تستبدلو الفازلين بعسل )
- عصير نصف حامضة زغيرة (ليمونة)
- مرطبان زغير أو أيا حجم حسب انتو الكمية اللي بدكم اياه


الطريقة :



ذوبو الفازلين بالمايكرويف واخلطو كل المواد ببعضها إذا طلع المزيج مايل للسيولة ضيفو سكر
واحفظو بمرطبان زغير



بالنسبة للشفاف بيستخدم مرتين او 3 بالاسبوع إذا كانو الشفاف متشققين ومنشفين

والجسم مرة بالاسبوع إذا كان جسمكم كتير جاف استبدلو عصير الليمون بـزيت والغو الفازلين عشان تستعملو اكتر من مرة بالاسبوع
أما اذا جسمكم عادي استخدمو الخلطة العادية


 

18‏/05‏/2011

مزيل رائحة العرق بمواد طبيعية (طريقتي) إصنعي بنفسك

 هالشي حابةمن زمان سويي وقارية عنو بالانترنت

بس للاسف المواد ما كانت موجودة عندي فجربت شي تاني


والطريقة الأصلية ح حطلكم اياها كمان


اول شي انحكى هالأيام كتير عن أضرار مزيل رائحة العرق وأضرارو وشو بيسبب الالمينيوم الموجود في للبشرة



المهم ح ابتدي بالطريقة اللي انا جربتها ومدري كيف خطرت ببالي وجربتا على ماما واختي كمان






هيدي المكونات :

- جلسرين
- جونسون لوشين
- بيكربونات الصوديوم
- وفانيلا بس نسيت صورو
- زجاجة مزيل رائحة التعرق فارغة
- كبسولة فيتامين E (اختياري )
- زيت عطري ( إختياري )



منبلش بالطريقة ::




( مش واصحة كتير الصورة )



جيبو كاسة فضو فيها نصف قنينة اللوشن أو حسب ما زجاجة مزيل التعرق بتتحمل

ارجعو حطو ملعقة بيكربونات الصوديوم




ارجعو شوية فانيلا




ارجعو ضيفو ملعقة جلسرين , واذا عندكم فيتامين اي اعصرو محتوى الكبسولة بالمزيج , وضيفو زيت عطري ( يكون ايسانس ) يعني زيت ما يكون داخلو كحول

المهم اخلطو المزيج منيح إذا لقيتو رخو شوي ضيفو بعد لوشين او بيكربونات


بس تخلصو حطو المزيج بركوة واسكبوه بالزجاجة

( ما رضيت تتحمل اخر صورة )


وحطو الغطا الأبيض منيح إذا ما تسكر معكم عادي جيبو الغطا التاني وسكرو فوق الأبيض بتلاقوها لحالها ثبتت

انا جربتو ع بشرتي عشان شوف اذا بيعمل تحسس او شي حتى ما كون عم ضركم بشي والحمد الله ما في لا ريحة ولا تحسس

سويتو ع الساعة 1:30 بعد الضهر ودغري حطيتو ع بشرتي وهلـء الساعة 3 بالليل والريحة بعدا حلوة هههه وما في تحسس فـ قلت بحط الخلطة لتستفيدو منها


----------------------------------------------------

هلـــء الطريقة الاصلية اللي قريت عنها هي :

طحين ذرة , زيت جوز الهند , بيكربونات الصوديوم و زيت عطري

بينخلطو مع بعض وبتستخدموهن
-------------------------------------------------


هلـء في ببالي بودرة مزيل رائحة العرق بــس بعد ما سويتها وجربتها بس ح قلكم

ع الأشياء اللي عم فكر حطها بالبودرة


بودرة تبع الأطفال من جونسون , طحين ذرة , بيكربونات الصوديوم و مستكه

هي الأشيا اللي عم فكر استخدمها بالبودرة وبكرر ما جربتها بعد
مجرد افكار


إذا حدا حابب يجربها ويخبرنا بالنتيجة


بتمنى تســـتفيدو

أول شي زجاجة المزيل شيلو غطاها الأبيض شوي شوي بالسكين من دون ما تخربوها , وغسلوها وخلوها تنشف

10‏/05‏/2011

إحصلي على أكواع وركب أفتح - باسبوع واحد وعلى طريقتي


هلـء بتلاقو الاكواع لونها اغمق بكتير من لون الركاب لان لما نجلس منستند ع اكواعنا على الطاولة

ولما نتسطح ع التخت لنشتغل ع اللابتوب مثلا كمان منستند ع اكواعنا


هلـء أنا بلشت بهالوقت لان لاحظت انو بالشتا لون الاكواع بيكون لونو أفتح من الصيف

السبب يالشتا منلبس اكمام طويلة يعني اكواعنا محمية وركابنا محمية

فأفضل وقت تبدأي بهالفصل بالمحافظة على اللون الفاتح لـ اكواعك وركابك



بالنسبة الي ما جربت ع ركابي لان لونهم فاتح بس المشكلة باكواعي وذات الشي بتطبقوه على الركاب


أول شي


في أشيا لازم يومياً نطبقها :

- نشرب 6 كاسات من المياه - مفيد جدا للبشرة وهيدا شي طبيعي ومعروف
- ترطيب منطقة الاكواع والركب
- مساج



ببتدي بطريقتي :


اللي عملتو اول شي جيبو ماء ورد وحطو بالقنينة شوية جلسرين .. هلـء فيكم تستغنو عن الجلسرين بس هو أفضل


جيبو جارور التلج واسكبو الماء ورد فيه وجطو بالفريزر


طبعا هيدا لازم تسووه يوميا يعني دايما خلو جارور تلج ماء ورد - مفيد لكل شي بشرة الوج , الشفاف , اليدين , الاكواع , الركب ....


- دخلت ع الحمام اول يوم وعبيت البانيو ( المسبح ) او ما بعرف شو بتسموه حطيت بالمياه بيكربونات الصوديوم , زيت جونسون , وشوية لوشن للجسم


واقعدو في واسترخووو طبعا المياه بدها تكون مايلة للسخونة

بعد شي ساعة قومو جيبو فرشاية اسنان قديمة وافركو الاكواع والركب وشوفو البلاوي جيبو فوطة وحطو عليها شوي زغيرة بيكرونات الصوديوم وافركم جسمكم وركزو ع المناطق اللي بدكم تفتحوها اللي هي الركب والاكواع


وكملو حمامكم عادي , اخر شي غسلو بمياه فاترة بيرجع مياه باردة

إذا ما حابين تحطو مياه باردة ع جسمكم غسلو الاكواع والركب بمياه باردة


تنشفوا خلي حدا يجبلكم الماء ورد من الفريزر

إذا حابين فيكم تمررو التلج ع كل جسمكم او مرروها بس ع الاكواع والركب


وجيبو المرطب رطبو الجسم كلو اما منطقة الاكواع والركب فركزو عليها منيح بالترطيب


يعني اول شي حطو عليها مرطب سوو مساج

بس تطلعو من الحمام


ح تكونو جهزتو هالشي


شو هالشي


الشي هو جيبو كلسات قطني << ما تخلو امكم تشوفكم





اللي ح يصير انكم ح تلبسوه بإيدكم

والاكواع ح يكونو





هلـء هالكلسات القطن لازم يرافقكم كل الايام اذا حابين تضلو محافظين ع اكواع وركب لونهم فاتح


يعني سوو كذا كلسات هيك

بالنسبة للركب






أو خيطو شي قطني يناسب اركابكم

المهم الفايدة من هالشي لان بالصيف بالبيت مش ح نلبس كم طويل وبنطلون ف اكواعنا وركبنا ح يكونو معرضين للغبار وح يصير لونهم غامق


هيك منحميهم


منرجع لنكمل الموضوع بتطلعي من الحمام طبعا بتكوني البستي <<

بتجيبي المرطب وبتحطي ع الاكواع والركب

وبتلبسي الكلسات القطن


وطبعا الصبح لما تفيئي اذا كان عندك وقت قبل ما تروحي الشغل اذا كنتي بتشتغلي

بمياه مايلة للسخونة غسلي اكواعك وركابك

وحطي عليهم شامبو اتركي شي دقيقتين ارجعي جيبي فرشاية الاسنان القديمة حطي عليها شامبو وافركي اكواعك وركابك


إذا ما عندك وقت اكتفي بالترطيب والبسي تيابك عادي



- تاني يوم حضري خليط من حليب بودرة , ماء ورد , جلسرين , وكبسولة فيتامين E

هلـء عندك حرية انكم ما تستعملو جلسرين والفيتامين بس برضو ح يكون فعال اكتر معهم واذا ما استعملتوهم فحطو عصير ليمون


حطو هالماسك ع اكواعكم وركابكم ربع او نصف ساعة

وغسلو ومررو تلج الماء ورد ورطبو الاكواع والركب والبسو القطن


هلـء بالنسبة للبس القطن كل ما ترطبو هالمناطق البسوهم ولما بدكم تئعدو البسوهم اما بباقي الاوقات بتركلكم الحرية

وقت النوم اشلحوهم


إذا لقيتو المغيطة اللي من فوق تبع الاكواع عم تدايئكم قصوها


- تالت يوم سوو نفس الشي

- رابع يوم احـم ما تنصدمو

جيبو بصلة زغيرة او ثوم قصوها من الوسط واركو اكواعكم فيها لمدة 10 دقايق

الريحة ح تكون بتجنن


ما تخافو بتروح , جيبو شامبو وحطو ع اكواعكم وركابكم وافركو بفرشاية الاسنان وغسلو


بيرجع تلج الماء ورد والترطيب


الصبح افركو ع السريع بالبصلة والشمبو غسلو ورطبو

ما تقلقو ما بيطلع ريحة


- خامس يوم - جيبو ليمونة اعصروها ما ترموها

بقلبها حطو ملعقة زغيرة بيكربونات الصوديوم , زيت لوز او زيت جونسون , سكر او ملح وكبسولة فيتامين E واذا بدكم جلسرين

(فيكم تستغنو عن السكر او الملح)

هول اخلطوعم مع بعض ع جنب ارجعو حطوهم بالجزئين اللي عصرتوهم للحامضة (الليمون )


اللي ح يصير حطوهم ع الطاولة وحطو اكواعكم فيهم

هلء صعبة عشان الركب تسوو هالشي ف سووه ماسك للركب


اتركو كواعكم هيك ربع ساعة واذا بتئدرو نصف ساعة بس تخلصو افركو شوي بالحامصة (الليمون ) واجعو اغسلوهم بعصير الليمون


وشامبو من دون ما تفركوهم


بيرجع تلج الماء ورد والترطيب



-- سادس يوم كررو نفس العملية

- سابع يوم جيبو فازلين مع ملح او سكر وشوية عسل وحطو ع الاكواع والركب وافركو شوي


طبعا قبل غسلو اكواعكم وركابكم بمياه فاترة

ارجعو اتركو شي 5 دقايق وغسلو وبالتلج بيرجع الترطيب


وهيك منكون وصلنا لنتيجة اللي بدنا اياها


يعني انا عملت هيك وصارو اكواعي فاتحين


من شان تحافظو ع هالنتيجة او حتى اذا ما وصلتو لتحافظو ع التفتيح اللي وصلتولو


كملو بالترطيب والتلج الماء ورد يوميا مع حماية الركب والاكوااع بالقطن اثناء الصيف>


06‏/05‏/2011

مناكير لون زهري مع دوائر بلون الأبيض


حطي لون الزهري ع اطراف الأظافر




حطي دوائر بلون الأبيض


سوي دوائر من تحت طرف المناكير الزهري لتصير ع شكل الدونتيل


حطي حبة ستراس


مناكير بلون الزهر \ فرنش بينك \ cute french pink manicure by steps

خطوات لعمل مناكير بينك فرنش:






حطي لون الزهري ع اطراف الاظافر ع طريقة الفرنش

لشرائها من امازون








هلـ جيبي لون الشفاف


هيدا من امازون مقوي للاظافر كمان




حطي ع كل الاظافر







هيدا لون ازرق فاتح كتير

جيبو الستامب تبعت تصاميم المناكير












حطي المناكير ع التصميم اللي بدك تحطي ع ظفرك



امسحي عليها بالستامبلير لتشيلي المناكير من حوالي التصميم اللي اخترتيه







حطي الستامبلير ع الظفر وهيدي النتيجية


اذا ما عندك الستامبلير حطي الستيكرز بدل هالخطوات
بس ايجيابية الستامبلير انو بتضل لوقت بينما الستيكر دغري بترميها







04‏/05‏/2011

LinkWithin

Related Posts Plugin for WordPress, Blogger...